Пакистанската телевизија емитува она што многумина ја нарекуваат, најконтроверзната содржина која е во немилосрдна потрага по рејтинг: водител кој дава бебиња во живо на телевизија, јавува Ројтерс.
Амир Лиакват Хусеин, 41-годишник со уредно негувана брада, даде две напуштени женски бебиња на бездетни семејства минатиот месец и планира да подари машко бебе оваа недела.
“Ако ние не го најдевме ова бебе, мачка или куче, ќе го изедеше,” изјави Хусеин во текот на една емисија, пред да презентира мало девојче завиткано во розово и црвено кебе пред нејзините нови родители. Публикатата еруптираше од возбуда, наградувајќи го овој чин со аплауз.
Хусеин е еден од најпопуларните ток-шоу домаќини во Пакистан. За време на неговата маратонска емисија тој готвачи, интервјуира свештеници и познати личности, забавува деца и води шоуа за игри.
Тој обично дава награди како мотоцикли и мобилни телефони на публиката која одговара на прашања за Исламот.
Но, на почетокот на светиот муслимански месец Рамазан, кога телевизиски станици се борат жестоко за рејтингот, Хусеин о зачуди Пакистан, кога тој презентираше две семејства со бебиња.
“Ни беше кажано дека ние поминавме сите интервјуа и бевме избрани да посвоиме бебе”, рече Риаз Удин, 40, инженер. ” Го добивме нашето бебе на телевизија во живо.”
Напуштените бебиња биле спасени од страна на Добротворното Здружение Чипа, пакистанска хуманитарна организација.
“Во еден ден или два, следното бебе ќе биде раздадени, со Божја волја”, му изјави на Ројтерс нејзиниот претседател, Рамзан Чипа.