Септември е месец на нови почетоци, но и на традиционална забава на која посетители по четврти пат ќе имаат можност да ја проследат изложбата со избор на објавени фотографии на Инстаграм снимени од Слободанка Тренчева – Боте, #botovacha.
Споделени моменти од најразлични дестинации ширум светот, колоритни пејсажи и портрети од интересни лица се уловени од мобилниот телефон на Боте. Непосреден стил, уникатност, автентичност се главна карактеристика на фотографиите, кои Боте секојдневно ги споделува.
– Фотографирањето кај Боте би можел да го разберам и како нејзино поклонување. Поклон кон погледот. Љубопитните очи и непосредноста се главните аргументи и извори на кои таа ја развива својата естетика. Повелете….уште една панорамска изложба на крајно луцидни инстаграм фотографии на Боте – изјави Антони Мазневски, академски сликар.
За атмосферата овој пат задолжени се DJ Зоки Бејбе, Ана Мало и Балоски.
Изложбата е утре со почеток во 21 часот, на покривот на катната гаража „Македонска фаланга“.