Папата ја објави првата песна од деби албумот „Wake Up!“

Папата Францис неодамна го издаде првиот продукт од неговиот деби албум од жанрот на прогресивен-рок, под името „Wake up!“ („Разбудете се“). Првата негова песна во јавноста е насловена „Wake up! Go! Go! Forward!“.

Песната и албумот се одобрени од Ватикан, обработката е со Believe Digital, а во неа се вклучени говори на поглаварот на Римокатоличката црква.

Во „Wake up! Go! Go! Forward!“, изваден е дел каде папата се обраќа кон јужнокорејската публика на англиски јазик и италијански.

Низ целиот албум, во 11-те песни, освен на овие два јазика, папата Францис се обраќа и на шпански и на португалски јазик каде повикува на мир, достоинство, грижа кон животната средина и помагање на сите.

Продуцент и уметнички директор на албумот е Дон Јулио Нерони.