Тензична е ситуацијата пред парламентот во Сараево каде повеќе од 400 граѓани се собраа испровоцирани од власта бидејќи девојчето Белмина Ибришевиќ неможела да добие единствен матичен број за да може да патува и да лекува во странство.
Иако болното девојче ќе добие матичен број, граѓаните не престануваат со протестот. Како што јавуваат босанските медиуми луѓето протестираат бидејќи не е донесен Предлог закон за ЕМБГ, туку привремено решение за негово издавање.
Пред Собранието околу пладне биле распредени специјални полициски сили, а пред нив протестирале мајките со бебињата кои немаат матични броеви. Собанието е блокирано, а службениците кои останале заробени внатре почнале да бегаат преку прозорци, но биле спречени да си заминат дома. Некои од нив се обидувале да избегаат преку споредни излези.
Доцна попладне на протестите се придружиле и стотина граѓани кои бараат спас за кањонот Љуте, а специјалните полициски сили направиле кордон пред мајките со бебиња во количките.
-Бараме закон, остануваме овде извикувале учесниците на протестите.
Според последните информации преговорите не вложиле со плод, а службениците се обидувале со помош на возило на Итната медицинска помош да заминат од зградата. Возилото било спречено да влезе пред Собранието.