-Сите улици кои ги гледате низ селото се со кал. Пред избори ќе ни стават малку асфалт и потоа си заминуваат. И се така до наредните избори веќе осум години. Училиштето со години не ни е изградено. Мост ни ветуваат и тој не ни го направија. Канализација немаме. Вода немаме преку цело лето. Нашиот живот е многу тежок, а најтешко од се е што сме најадени со празни зборови наместо со леб, ги споделувале своите маки жителите на село Алданци пред Пендаровски, соопштуваат од СДСМ.
Информираат дека во Норово и во Житоше, Стево го гледаат како свој претседател, кој ќе им помогне и ќе биде на нивна страна.
– Овие што се на власт ја доведоа земјата во должничко ропство. Не лажеа дека ќе биде подобро, а се што видовме од нив е се помалку пари и се помалку услови за живот, а се повеќе споменици во Скопје, се пожалиле тие.
– Јасна ми е вашата мака, гледам дека тешко живеете. Тоа дополнително ме мотивира да ја добијам оваа битка и да бидам Претседател кој ќе се залага за вас. Од друга страна пак, мило ми е што концептот за соживот кој го предлагам јас, тука функционира одлично. Мојот концепт е еднаквост за сите. Македонија не би била среќна земја, ако не е обединета во различностите. Јас ветувам дека ќе работам за сите подеднакво, ќе работам за нашата подобра иднина и иднина на нашите деца и внуци, истакнал Стево во Житоште.
Жителите пак на Црнилиште и Пресил во Стево гледаат на фаворит. Тој бил пречекан од огромен број жители кои побарале од Стево од понеделник повторно да дојде во Црнилиште и со зелник да ја прослави победата со нив.
.jpg)
– Оваа власт го измисли рецептот за катастрофа на Македонија. Катастрофа е тоа што не ви го плаќаат тутунот затоа што не сте од нивни интерес. Катастрофа е тоа што тие ги поделија граѓаните по сите основи. Трудот и маката на секој поединец мора да се плати, делбите помеѓу граѓаните се недозволени, дециден потврдил Пендаровски.
фотографиите и видеото се во сопственост на СДСМ