Претседателскиот кандидат на СДСМ, Стево Пендаровски денеска оствари средби со жителите на Ченто, Сингелиќ, Хиподром и Јурумлери.
– Ќе бидам претседател кој ќе работи за доброто на граѓаните и на Македонија, порача претседателскиот кандидат на СДСМ пред граѓаните.
Тој беше на пазарот, зборуваше со минувачите, ги посети и околните дуќани.
.jpg)
Гледајте каков ни е патот во 21-от век во Скопје. Кал на сите страни, а тротоари нема. Овде никогаш не се инвестирало. Нема инфраструктура, нема канализација, нема вода и струја во голем дел од денот. Тука не живееме како луѓе, се пожалија жителите на село Сингелиќ.
Ни ветуваа работа, а работа нема. Власта ни ветуваше подобар живот, а ние живееме во сиромаштија. Ние сме многу разочарани. Но знаеме дека ни е потребен претседател кој ги разбира човечките маки. Во вас гледаме таков претседател и затоа ќе гласаме за вас, велат граѓаните.
Пендаровски рече дека ќе се заложува за подобар живот на сите граѓани.
-Не смее да има делби. Ако си член на ВМРО-ДПМНЕ ќе добиеш се, а ако не ништо. Но, мојот план е да не ги делам луѓето ни по партиска определба, ни по вера ни нација. Да заборавиме на тие делби.
Младите од Хиподром со транспарент му порачаа на Пендаровски: „Стево, во тебе го гледаме најголемиот сојузник“. Во директната комуникација му рекоа дека во него гледаат надеж за нивната иднина во Македонија.
Стево Пендаровски беше и во Јурумлери. Жителите и таму се пожалија на сиромаштија и мизерни услови за живот. Истата мака. Немаат вода за пиење.
– Да им дадеме шанса на нови луѓе и на нови политики. Да завртиме нова страна во историјата. Македонија да биде мајка на сите, повика Стево Пендаровски, кандидат за претседател на Република Македонија.
Видеото и фотографиите се во сопственост на Социјалдемократскиот сојуз