Победата е на страната на опозицијата. Расположението на луѓето е јасно. Од град, до село, до секое населено место, сите сакаат промени. Тоа го видов изминаиов период.
Денеска нема да говорам за мојот концепт. Го знаете. Граѓанинот на прво место. Нема поделби, нема разлики. Човекот пред се. Сакам да пратам порака, рече Стево Пендарпвски пред ресенчани.
-Тие, овие два дена ќе се обидуваат се и сешто. Да не им дозволиме еден глас да ни земат. Зашто победата ни е во рака. Нема човек кој живее добро во оваа земја.
Само тие малкумина на власт. По светските статистики Македонија е меѓу првите по мизиерија. Ставете рака во џебот колку пари имате. Вие сте си заработиле пензијата со 40 годишна работа а тие се однесуваат како да ја даваат на подарок.
Да не им дозволиме да ја доиспразнат Македонија. Сите соседи се пред нас, и Србија и Албанија отидоа пред Македонија, не само бугарски пасоши туку и српски и албански и други од регионот ќе вадиме ако вака продолжи, повика Пендаровски.
-Да направиме темелни промени. Toa може да го направи организирана политичка сила, го знаете тоа.
Реалната волја на граѓаните в недела на 13-ти април да ја преточиме во кутиите, а на 27-ми април да ги заокружиме промените и да и донесеме добро на Македнија, побара во Ресен кандидатот за претседател на Република Македонија Стево Пендаровски.