Со молитва на будистичките свештеници и голема публика, денеска во пензија замина 54-годишниот слон Самбо, една од главните атракции во Камбоџа.
По 30 години работа во туризмот слонот е пуштен остатокот од животот да го помине во слобода во џунгла.
Самбо од 1980 година беше „такси“ за туристите и служеше како туристичка атракција.
Поради инфекција во нозете и поради обвинувањата на локалните власти дека таа го забавува сообраќајот, пред две години животното престана да се користи како превозно средство.
Со помош на странски донации и американската Агенција за меѓународен развој, Самбо следниот месец ќе биде преместена во североисточната провинција Мондулкири кад ќе биде пуштена во џунгла, односно заштитен природен парк каде што ќе биде дел од поголемо стадо.
Во Камбоџа живеат 78 припитомени и околу 400 диви слонови.