Пред речиси три недели македонскиот новинар Зоран Божиновски, познат како Буревесник, беше уапсен во Нови Сад под обвинение дека оддавал државни тајни, во акцијата „Шпион“.
-Како што Божиновски во своето последно интервју за порталот IN4S, изјави дека апсењето „му е наместено“, сметаме дека наша морална и колегијална обврска е да покренеме петиција помеѓу медиумските куќи, вработените и невработените новинари, НВО, интелектуалците и слободните граѓани во Србија, Црна Гора, Македонија, БиХ, Хрватска и Словенија, за негово ослободување, и ги повикуваме со својот потпис да го поддржат ова барање, да новинарот Божиновски без одложување биде ослободен од екстрадициониот противор, стои во образложението на „peticije24.com“.
Според организаторите на позицијата, не станува збор само за новинар професионалец кој со своите известувања го привлекол вниманието на јавноста, туку и поради тоа што Србија, земјата во која живее Божиновски, како суверена земја нема обврска да го испорача Зоран Божиновски.
Оттаму сметаат дека надлежните државни органи на Србија треба да ги земат во предвид сомнежите дека процесот против Божиновски во Скопје е лажиран.
„Сигурни сме дека единствениот негов грев е што се дрзна да со име и презиме ги покаже енормно-богатите, кој се збогатија на сметка на туѓите солзи, пот и работа. Исто така сме сигурни дека колегата Божиновски не ги премина границите на дозволеното со тоа што се бореше во име на правдата и искреноста, истражувајќи ги длабоките фотелји на криминално-политичката елита“, стои понатаму во образложението.
Зоран Божиновски, кој на 7 ноември беше уапсен во Србија, дента, по апсењето на 17 осомничени за Шпион, за НОВА изјави:
– Негирам дека сум инволвиран во шпионирање за странски служби, бидејќи сите информации што ги имам јавно ги објавувам на мојот портал Буревесник.