Денес почнувам од тука од Нерези, да барам 4-годишен мандат за градоначалник на Општина Карпош од граѓаните на Карпош, соопшти Андреј Петров кандидат за градоначалник на СДСМ за општина Карпош.
„Со мојот тим ќе го посетиме секој дом, ќе ја посетиме секоја куќа, секој стан.
Ќе ги промовирам проектите за подобра општина, за подобро место за живеење.
– Како што во минатиот мандат од 2003 до 2008 го направивме единственото од темел, од плоча , изградено училиште во Карпош во изминативе 30 години-Јан Амос Коменски во Тафталиџе, патеката за ролери и велосипеди на кејот на Вардар, водоводот во Бардовци, Геоинформацискиот систем на Општината, со проектите за следниот период најавувам дека ќе направиме нови детски градинки, пензионерски домови, паркови, спортски терени, електронска општина.
– Убеден сум во победа во првиот круг, бидејќи граѓаните на Карпош знаат да ги препознаат вистинските вредности, принципи и дела.
– На мојот противкандидат од противничката страна Јагнула Куновска и ги почитувам годините и тоа што е дама но дозволете моето мислење, тоа е мое право, граѓаните треба да гласаат за помлад и докажан човек, истакна Петров.