Петтото јубилејно издание на Интернационалниот фестивал за филмови снимени со мобилен телефон, „Мобил Фестивал“, што започна на 19-ти ноември, продолжува со својата програма од 27-ми до 29-ти ноември.
На 27-ми ноември во 16:00 часот во Кино Фросина, МКЦ ќе се одржи работилница „Нов бизнис модел за дистрибуција на независни филмови“ што ќе ја води Навид Сарем, проект координатор од Eye On Films, од Франција.
Овој нов бизнис модел ги промовира дебитантските филмови и новите автори преку заедничка промоција на филмски фестивали и по медиуми од страна на локалните дистрибутери.
Програмата ќе продолжи со проекција на филмови од програмата на Eye On Films Festival – Франција.
18:00 Sons of the Wind by Bruno Le Jean – Кинотека на Македонија;
18:00 Mourning by Morteza Farshbaf – Кино Фросина МКЦ;
20:00 Night #1 by Anne Emond – Кино Фросина МКЦ;
22:00 The First Rasta by Hélène Lee and Christophe Farnarier – Кино Фросина МКЦ.
На 28-ми ноември ќе продолжи проекцијата на филмови од програмата на Eye On Films Festival – Франција.
18:00 Red Heart by Halkawt Mustafa – Кино Фросина МКЦ;
20:00 Sons of the Wind by Bruno Le Jean – Кино Фросина МКЦ;
22:00 Beast Paradise by Estelle Larrivaz – Кино Фросина МКЦ;
На 29-ти ноември, во 20 часот во Кино Фросина МКЦ ќе се одржи главната вечер на „Мобил Фестивал 2014“, на која ќе се прикажуваат досегашните победници на Мобил Фестивал, потоа филмовите од џуниор, домашна, регионална и интернационална селекција, како и доделувањето на наградите.
По доделувањето на наградите концерт ќе одржи групата „Тотално Опуштање“.
Пристигнатите филмови ќе бидат оценети од интернационално жири во состав: : Арбен Жарку – директор на Косовскиот центар за кинематографија, Зоран Никодинов – експерт за медиуми, Бурим Муслиу – костимограф и ќе се натпреваруваат за Прва награда од жирито за најдобар филм „Лале“ и Награда за најинвентивен филм, како и за Прва награда во Џуниор категорија. Крајниот рок за пријавување на Мобил Фестивал 2014 беше 20-ти ноември. Филмовите кои ќе пристигнат после овој датум ќе влезат во конкуренција на Мобил Фестивал 2015.
Филмовите од јуниор, натпреварувачката, регионалната и интернационалната програма на Мобил Фестивал и оваа година ревијално ќе бидат прикажани и низ други градови во Македонија.
Мобил Фестивал е со меѓународен карактер и е единствен фестивал од ваков вид во регионот. Оваа година особен акцент ќе биде ставен на регионалната соработка. Филмовите од Мобил Фестивал добиваат и своја промоција на најголемите светски фестивали од овој вид како International Mobil Film Festival од Сан Диего, САД, MINA (Mobile Innovation Network Aotearoa) од Нов Зеланд, Hong Kong Mobile Film Festival (HKMFF) од Хонг Конг, Seoul international Extreme-Short Image & Film Festival (SESIFF) од Јужна Кореја , CINEPHONE од Барселона, Шпанија, Teheran Mobile Film and Photo Festival од Иран и други.