По синоќешниот инцидент и демолирањето на ЛГБТ Центарот, денеска Уранија Пировска од Хелсиншкиот комитет со осуда и загриженост за молкот на релевантните институции.
Според Пировска, несфатливо е како никој од Владата на Република Македонија вклучително и МВР не излезе со осуда за вандалскиот чин.
„Она што мене во моментов ме загрижува е што постои апсолутен молк од страна на релевантните институции. Никој до сега не излезе од страна на Владата на Република Македонија, Министерството за внатрешни работи да го осуди овој настан“, вели за НОВА Пировска.
Од Хелсиншки се прашуват и дали тоа значи дека и Владата на Република Македонија праќа експлицитна порака дека ова може да се повтори.
Група маскирани лица синоќа го нападнаа ЛГБТ – центарот во старата скопска чаршија, при што полесно е повреден еден полицаец кој го обезбедувал објектот додека во него се одржувала филмска проекција.
Напаѓачите, синоќа, околу 18.40 часот, во трчање покрај канцеларија на ЛГБТ- заедницата, фрлиле камења од кои е скршено стаклото на канцеларијата, a беше повреден и полицаец, кој, како што дознава НОВА, денеска веќе беше пуштен од болница.
Нападот се случил половина час по почетокот на активноста организаирана од Хелсиншкиот комитет, ЛГБТ центарот за поддршка, Коалицијата за сексуални и здравстени права на маргинализираните заедници и ЛГБТ јунајтед, по повод „недела на гордоста“.