Економската криза во Грција ја отежнува можноста за решавање на спорот околу името со Македонија, изјавил новоименуваниот американски амбасадор во Грција, Дејвид Пирс, пред Комисијата за надворешни работи на американскиот Сенат.
Како што јавува МИА, Пирс запрашан од сенаторот Кристофер Марфи дали кризата во Грција значи дека е полесно или потешко да се решат споровите со Македонија и статусот на поделениот остров Кипар, амасадорот со одговор дека економијата во Грција е во многу тешка состојба и многу е тешко политички за било која Влада да се справи со состојба во која економијата се намалила за 24 проценти.
-Спорот за името трае над 20 години, и е многу тешко прашање. Се надеваме дека амбасадорот Метју Нимиц ќе може да направи напредок. Ги поддржуваме неговите напори и се надеваме дека ќе се најде решение кое би било взаемно прифатливо за двете страни и тоа би било добро за регионална стабилност и интеграциите во евроатланските институции.
– Улогата на САД е да биде присутна, ангажирана, да набљудува, рапортира и да им даде можност на одговорните во Вашингтон да ги имаат информациите кои им се потребни – одговорил Пирс.
Сенаторот Марфи потсети дека во 2014 година е предвиден самит на НАТО, на кој решение за спорот за името би помогнало Македонија да стане полноправна членка.