Јоханес Хан е сериозно загрижен за ситуацијата во Македонија и е сосема свесен за сите ризици на кои е изложена земјата, вели за НОВА висок извор од Европската комисија кој одблиску ги следи настаните во Македонија.
И не само тоа. Комесарот и неговата екипа се разочарани што минатата недела во Скопје не се дошло до договор помеѓу партиите, што опозицијата излегла од Собранието и што изборите се распишани без согласност на опозицијата.
Сега, Европската комисија (ЕК), која ја застапува Хан, бара начин да воведе малку ред во македонскиот политички хаос.
На средината на февруари во Скопје повторно ќе дојде Хан со точен план во три точки како да ја натера опозицијата да учествува на изборите и како тие избори да бидат кредибилни. Не совршени но кредибилни.
Така, под број еден, планот на Хан предвидува чиста изборна листа. За таа цел, капацитетите на Државната изборна комисија (ДИК) ќе бидат зајакнати во секој поглед како што побара и самиот претседател на ДИК. Барање со кое Груевски, според изворот на НОВА, се согласил за време на последната рудна преговори минатата недела.
Под број два планот предвидува непречен пристап до сите медиуми на опозициските партии. СДСМ ќе може да има свои набљудувачи во Агенцијата за аудио-визуелни медиуми.
Конечно, под број три, овие Хан ќе направи проверка на напредокот во подготовката на изборите заедно со земјите членки на ЕУ, ОДИХР, ДИК и македонските невладини организации кои се занимаваат со изборниот процес.
– Се разбира, на оваа проверка треба да учествува и опозицијата и комесарот и неговата екипа се надеваат дека СДСМ ќе им се придружи во проверката на подготовките, вели изворот на НОВА во ЕК.
И додава:
– Треба да се знае дека ако комесарот констатира дека има било каков проблем во подготовките, тоа ќе биде отворено кажано и можете да бидете уверени дека ќе бидеме строги, додава европскиот висок функционер.
Со овие заложби ЕК се надева дека СДСМ ќе одлучи да учествува на изборите. Во таа насока се и сите изјави на Хан последниве денови. Тој, вели дипломатот, повеќе пати кажа дека не е важен датумот на изборите туку суштината на процесот, суштина која треба да донесе кредибилни избори.
На средбата во Скопје минатата недела ВМРО-ДПМНЕ предложила и датум во јуни за изборите но СДСМ тоа го одбиле, тврди нашиот извор.
– Искрено, не многумина овде не им е јасно што точно бара опозицијата. Како да не знаат дека она што е важно е земјата е не луѓе од власта или опозицијата, со резигнација вели изворот на НОВА.
Во сето тоа има место и за извештајот на Прибе и итните реформи што ги бара ЕК веќе со месеци. Овие реформи не се речиси ни чепнати па ЕК се прашува зошто опозицијата не инсистира токму на овие елементи.
На ЕУ, вели изворот на НОВА, и треба стабилна Македонија која ќе напредува на европскиот пат за да може да се справува со сите предизвици како бегалците, спорот со името, економијата или невработеноста.