Невладината организација „Плоштад Слобода“, која е најгласен противник и критичар на проектот „Скопје 2014“, бара новоизбраниот градоначалник од опозицијата, Андреј Жерновски, да го стопира, според нив, спорниот проект спроти „Бристол“.
Тие побараа на конститутивната седница на Советот на Центар одлука за промена на ДУП-от, односно парцелите кои што се доделени за градежно земјиште да останат паркови.
Пред неполн месец екипата на НОВА беше на местото каде што се одвиваат овие градежни активности.
Луѓето од околните згради тогаш се пожалија на „прашината и неподносливиот звук на градежни машини“, кои за нив е секојдневие. Алармираа и за дупките за ограда кои се прават веднаш до носечките столбови од нивната зграда.