По информацијата за драстичното намалување на цената на црвената индустриска пиперка во Струмица, како резултат на блокадата со Косово, НОВА беше на скопскиот кванташки пазар.
Производителите се жалат дека наместо за два-три часа да ги продадат земјоделските производи, веќе два дена седат на пазарот без да продадат ништо бидејќи побарувачката стагнира.
Некои од продавачите велат дека цената е падната, други очекуваат во секој момент тоа да се случи.
Падот на цените на производите особено на црвената пиперка, од струмичкиот регион полека се сели на скопскиот кванташки пазар и во цела држава.
Ситуацијата со трговската војна помеѓу Македонија и Косово го направија своето, производителите стравуваат дека црвената пиперка и доматот ќе скапат на нивите бидејќи нема извоз.