Во сабота на плажата Дупени на Преспанското езеро агенцијата за организирање на настани Подиум, е домаќин на целодневнен настан со музика, коктели, пиво, одбојка на песок, зајдисонце и забава, на вториот Sunset Beach Festival.
На музичката сцена ќе настапат Градус Рок Бенд од Ресен, Дејан Декс од Битола и Самоил Радински од Скопје. Фестивалот оваа година започнува во 18.00 часот, а ќе трае се до 02.00 часот по полноќ. Спакувајте апостолки, купачи и сите накај Преспа на вториот Sunset Beach Festival на плажата во Дупени. Оваа година влезот е слободен, а поддржувачи на овој настан се Агенцијата за промоција и поддршка на туризмот и Општина Ресен.
Нека оваа плажа биде на вашата агенда како викенд дестинација оваа година. Минатата година голем број на туристи од цела Македонија беа дел од овој фестивал. Песочната убавина на плажата Дупени, како и неверојатното зајдисонце најавуваат дека оваа година бројот на посетители ќе биде зголемен.
За повеќе информации околу сместување и транспорт до плажата на Дупени, слободно исконтактирајте ги организаторите на фејсбук фан страната на фестивалот.
https://www.facebook.com/pages/Sunset-Beach-Festival/1441705099432733