Почина Александар Јовиќ, поранешен македонски ракометен репрезентативец и тренер. Последниот ангажман на Јовиќ беше на тренерската позиција на Тинекс Пролет.
Тинекс Пролет со огромно жалење ја информира јавноста за прераната смрт на нашиот тренер Александар Јовиќ. Сите сме во шок од информацијата добиена утрово, дека Јовиќ го во раните утрински часови го загубил животот, иако само неколку часа претходно ги водеше тренинзите на нашата екипа. Немаме зборови да ја опишеме загубата, не само за нашиот клуб, туку и за целокупниот македонски ракомет, врз кој Ацо Јовиќ остави длабока трага и како играч и како тренер, соопшти РК Тинекс Пролет.
Јовиќ е роден на 24 септември 1973 година во Бјелина, БиХ. Од македонските екипи играше за Вардар, Металург, Пелистер.
Со Еурофарм Пелистер во 2023 година како тренер ја освои шампионската титула.