На 80 – годишна возраст почина тапанарот на „Rolling Stones“, Чарли Вотс. Тој беше дел од рок групата уште од јануари 1963 година, кога им се придружи на Мик Џегер, Кит Ричардс и Брајан Џонс..
Неговиот публицист Бернанд Доерти во изјава за медиумска агенија рече:
„Со огромна тага ја објавуваме смртта на нашиот сакан Чарли Вотс. Тој денеска почина мирно во лондонската болница опкружен со неговото семејство. Чарли беше гружлив сопруг, татко и дедо, исто така како член на „Rolling Stones“, тој беше еден од најголемите тапанари на неговата генерација. Љубезно ве бараме да се почитува приватноста на неговото семејство, членовите на бендот и блиските пријатели во ова тешко време“
Вотс, беше итно опериран пред три недели. Операцијата во Лондон поминала успешно. Неговите здравствени проблеми биле откриени при рутински контроли на сите членови на бендот. Поради операцијата, Вотс се повлече од турнеите во САД. Бендот закажа турнеја „No Filter USA“, која ќе почне следниот месец, а Чарли ќе биде заменет со тапанарот Стив Џордан.
– Работам за да се вратам во форма, сепак, морам да ги прифатам советите на експерти кои рекоа дека моето закрепнување може да потрае. По сите разочарувања од одложувањето на турнејата поради ковид, не сакам фановите на бендот во САД кои имаат билети, да доживеат уште едно откажување или одложување. Така, го замолив мојот пријател Стив Џордан да ме замени, рече претходно Чарли Вотс.