Британскaта добитничка на Нобеловата награда за литература, Дорис Лесинг, почина на возраст од 94 години, јавува Би-Би-Си.
Во соопштението од нејзиниот издавач, Харпер Колинс, се вели дека таа “мирно почина во нејзиниот дом во Лондон во раните утрински часови”.
Нејзините најпознати дела ги вклучуваат Златниот бележник, Мемоарите на еден преживеан и Летото пред мракот.
Таа стана најстариот добитник на Нобеловата награда за литература, кога во 2007 година ја доби наградата за целокупното творештво, на возраст од 88.
Џонатан Клоус, нејзиниот долгогодишен пријател и агент, изјави дека таа беше “прекрасен писател со фасцинантен и оригинален ум”.