Вечерва во Скопје од срцев удар почина Роберто Беличанец, проминентен аналитичар и колумнист, потврдија за НОВА негови блиски пријатели. Беличанец имаше 41 година.
Беше познат како жесток критичар на сите состојбите во општеството, но и на сите власти, за што исклучително значаен придонес даде со своето лидерство на Центарот за развој на медиуми, како и во активностите на влијателното здружение Граѓани за европска Македонија (ГЕМ), како еден од неговите столбови.
Последната негова значајна активност беше основање на Здружение на интернет портали во Македонија.
Роберто Беличанец е роден на 1 февруари 1972 година во Прилеп.