Сем Сајмон, еден од авторите на култните „Симпсонови“, почина по две години борба со ракот на дебелото црево, на 59-годишна возраст.
Сајмон, кој ја создаде анимираната серија заедно со соработниците Мет Грејнинг и Џејмс Брикс, починал во неделата во својот дом во Лос Анџелес, објавуваат американските медиуми.
Тој во 1993 година ги напушти „Симпсонови“, но остана како извршен продуцент на серијата.
Осум Еми награди завршија во неговите раце за „Симпсонос“ и уште една за соработка на емисијата „The Tracey Ullman Show“.
На Сајмон во 2012 година му беше дијагностициран рак на дебелото црево во терминална фаза, а лекарите тогаш му прогнозираа уште три до шест месеци живот. Оттогаш се посвети на спасувањето на злоставувани животни, но и покрена многу проекти под заеднички назив „Feeding Families“ за помош на сиромашните и бездомниците.
Сајмон дипломирал на престижниот американски универзитет Станфорд. Голем дел од своето богатство проценето на околу 100 милиони долари уште пред смртта ги донираше во борбата за правата на животните.