Славниот британски актер, Алберт Фини, почина на 82 години по кусо боледување, објави неговото семејство, јавува Би-Би-Си.

Фини,   важеше за еден од најфините британски шекспиријански актери, а беше номиниран пет пати за Оскар-првпат, во 1964 година, за главната улога во „Том Џонс“, а последната шанса ја имаше во 2001 за споредна улога во „Ерин Брокович“. Трипати беше награден со Златен глобус и еднаш со наградата Еми- неговиот последен Глобус беше за улогата на Винстон Черчил, за што ја доби и британската награда Бафта.