Седмото издание на фестивалот за современ танц и перформанс „Локомоушн“ почнува денеска со предавањето „Изведувачки уметности и фикциска структура на законот“ од Алдо Милхиќ, во 18.30 ч. во МКЦ. Милхиќ е асистент професор по историја на театарот на Универзитетот во Љубљана, Академија за Сцена од претставата „Разговор“театар, радио, филм и телевизија. Во 20 часот ќе биде изведена претставата „Разговор“ на Алма
И годинава, како што најавуваат организаторите, фестивалот ќе понуди пресек на најновите тенденции во современиот танц, „и покрај тоа што се одвива во тешки финансиски услови“.
Љубителите на современиот танц ќе видат четириесетина гости, уметници, програмски уредници, куратори, кои едновремено ќе дискутираат и за условите во кои се создава современиот танц денес. На програмата се претставите: „Кинетичко преуредување“ на Милка Џорџевиќ (САД), „Самосоздаден човек, земја создадена од човек“ на Урсула Игли (САД) и Коџи Сето (Јапонија), „Динамик“ на Емили Свиниј (САД), „Телото може да резонира“ на Питер Скискиоли (САД), „Двигател“ на Александра Јанева Имфилд (Хрватска/Белгија).
Во македонската програма, каде што уметниците ќе се претстават со работа во процес се: „Што е перформанс, бе бабе?“ на Драгана Заревска (Македонија) и Александар Георгиев (Македонија/ Шведска), „Техники на манипулација на движење/кореографски алатки како средства на манипулација на движење“ на Искра Шукарова (Македонија), „Причина за болеста“ на Климент Попоски (Македонија/ Австралија) и Викторија Илиоска (Македонија).
Во оф-програмата ќе се одржи музичка сесија со Коџи Сето (Јапонија) и Александар Пејовски (Македонија). Фестивалот ќе трае до 1 ноември на локациите: Младински културен центар, РИЦ-центар во „Зебра“ и „Менада“.