Народниот правобранител Иџет Мемети во Неделното интервју на Радио Слободна Европа изјави дека сè уште е голем бројот на повреди на човековите слободи и права, или неможноста воопшто тие да се остваруваат.
Како најсурова, како што ја нарекува тој, е полтиичката дискриминација, издвојувајќи ги изборите како пример на прекршување на правата на граѓаните заради тоа што припаѓаат на друга политичка опција или имаат друго политичко убедување, особено во делот на права од работен однос.
Сепак, Мемети оценувајќи ја состојбата на човековите права во Македонија, дава средна оценка, односно на скала од еден до пет, тој дава тројка.
Образложението на народниот правобранието е дека è уште не задоволува ниту правната регулатива, нитѕ професионалноста на институциите, без разлика дали тие ги спроведуваат законите или водат борба за заштита. Како излез од оваа состојба тој смета дека дека се толеранцијата и дијалогот.