Полковникот Орце Поповски е новиот декан на Воената академија „Генерал Михајло Апостолски“.
Во обраќањето, Поповски вети дека ќе настојува Воената академија да се етаблира како високообразовна и научно-истражувачка установа со регионален карактер.
Меѓу првите приорите во работењето, Поповски како приоритет ги издвои подигнувањето на квалитетот на наставно-научните кадри и на наставно-образовните програми, зајакнување на меѓународната соработка, особено во делот на летниот кампус во кој учествуваат многу држави со свои студенти и питомци.
Поповски ја искористи можноста да им се заблагодари на сите кои помогнале во 2009 година Воената академија да се рестартира.
Академија со несмален интензитет продолжува да ги извршува основните функции и стратешки зацртани цели, пред се подигањето на квалитетот на образовниот процес, рече Поповски.
На свеченоста присуствуваше и министерот за одбрана Талат Џафери кој ја нагласи подготвеноста на ресорното министерство да даде целосна поддршка за наставно-научниот кадар во Академијата за да мое успешно да ги реализира своите обврски.
Џафери истакна дека по рестартирањето на Воената академија во 2009 година, питомците се здобиваат покрај дипломата за армиски офицери и со цивилна, со што им се овозможува да се определат и за други професии.