Речиси половина од граѓаните на Македонија изминатата година заболеле од респираторни болести на горните и долните дишни патишта. Состојбата со загадувањето е алармантна.
.jpg)
Од Граѓанската иницијатива „Ќе дишиме или Ќе издишиме“ бараат од Институтот за јавно здравје јавно да ги објави податоците. Најавија дека ќе им свртат грбот на институциите и започнуваат со протести во Скопје, Битола и Тетово.
„Прашуваме на кого служи институтот за јавно здравје? На партиските елити или за нас граѓаните? За кого го вклучувате алармот? За партиската ебола или за нас граѓаните со респираторни проблеми? Прашуваме дали институтот функционира само како филијала на заводот за статистика? „Ќе дишиме или ќе издишиме“ со подршка на „Еко Герила“ од Тетово и „За нас се работи“ од Битола прашуваат и бараат јавно да се соопшти бројот на лица заболени од респираторни проблеми и бројот на лица заболени од канцер по региони Скопје, Тетово и Битола“ изјави Ангела Илиевска, од Иницијативата.
Протестите најавени како марш за животот„ЌЕ дишеме или ЌЕ издишеме“ ќе ги организираат заедно со „Еко Герила“ од Тетово и „За нас се работи“од Битола. Од оваа граѓанска иницијатива на директорот на Институтот за јавно здравје денеска му подарија маски за заштита, вентолин, антихистаминици, но како што велат тој не се појавил и не сакал да ги прими.