Денеска во Македонија ќе пристигне полубратот на американскиот претседател, Барак Обама, Малик Обама, на покана на Меѓународната асоцијација „Балкан клуб на мирот“ за да ја прими повелбата за мир. Асоцијацијата решила својата втора повелба да и ја додели на фондацијата Барак Обама Хусеин, кое е име на таткото на американскиот претседател и таа ќе му биде доделена на Малик Обама в четврток во хотелот Александар Палас. Потоа тој ќе замине на мини балканска турнеја.
Во меѓувреме, Хафингтон пост објави информација дека добротворната организација основана од страна на полубратот на претседателот на САД, Барак Обама, предизвикува загриженост со која се поттикнува една од надзорните групи да поднесе барање за официјална истрага.
Имено, Националнот правен и политички центар побара од ИРС да ја истражи Барак Х. Обама Фондацијата, која собира донации во Кенија и Вирџинија, пренесува Њујорк Пост.
Абон’го Малик „Рој“ Обама ја стартуваше Барак Х. Обама Фондацијата насловена по неговиот и таткото на Барак, во 2008. Според веб-сајтот, мисијата на организацијата е да обезбеди програми за развој за осиромашените Кенијци.
Сепак, постојат многу малку информации за постигнувањата на организацијата – а финансиските средства на организацијата се во тајност. Фондацијата никогаш не поднела барање за статус со кој би биле ослободени од данок во САД, и немала дозвола за собирање донации во Вирџинија.
Алтон Реј Бејсден, поранешен владин работник во чиј дом беше отпочната добротворната акција, тврди дека фондацијата се уште се труди да делува.
Тој за печатот изјави:
„Се уште не сме пронашле некој со експертиза да го направи тоа. Ние сме во потрага по извршен директор, некој кој знае како да ја регистрира работата.“
Иако формална истрага од ИРС сеуште не е започната, Националниот правен и политики центар издаде листа со шест прашања,за кои велат, потребен е одговор.