Помошник државната секретарка на САД за европски и евроазиски прашања, Карен Донфрид денеска ќе престојува во посета на Македонија во рамки на која ќе оствари средба со претседателот Стево Пендаровски, премиерот Димитар Ковачевски, министерката за одбрана, Славјанка Петровскаи и со нејзиниот домаќин, министерот за надворешни работи, Бујар Османи.
Посетатата на Донфрид на Скопје е во рамки на нејзината турнеја низ земјите од Западен Балкан. Таа ќе ја повика С. Македонија, како најнова членка на НАТО, да ја продолжи блиската соработка за низа регионални, безбедносни и одбранбени прашања за промовирање на демократијата и регионалната стабилност.
Дел од турнејата на Донфрид на Западен Балкан се и Албанија, Босна и Херцеговина, Црна Гора, Србија и Косово.
Донфрид доаѓа во Северна Македонија еден ден по посетата на Скопје на еврокомесарот за проширување Оливер Вархеји, кој на средбите со државниот врв во земјава порача дека се посветени да ги продолжат напорите за почеток на преговори со Северна Македонија пред завршувањето на француското претседателство со Европската Унија. Вархеји во Скопје дојде од Софија каде си замина со истата порака – прашањето за почеток на преговорите на Северна Македонија со ЕУ да се реши до крајот на франуцското претседателство, во јуни