Помошникот на рускиот претседател Владимир Путин, Јуриј Ушаков, изјави дека телефонскиот разговор меѓу Путин и неговиот американски колега Џо Бајден бил „урамнотежен и деловен“, но дека се одвивал во хистерична атмосфера.
Но, тој посочил дека САД и НАТО не ги преиспитале главните безбедносни проблеми на Русија, пренесе РИА Новости.
Ушаков рекол дека разговорот, кој траел нешто повеќе од еден час, се одвивал во „атмосфера на хистерија за наводната намера на Русија да ја нападне Украина, која била испровоцирана од американски претставници“.
„Притисокот на темата инвазија е координиран и хистеријата го достигна својот врв“, рече Ушаков.