Се излеваат реките во Србија. Расте нивото на реките Ибар, Тимок, Сава и Млава. Во тимочката област поплавени се околу илјаду хектари обработлива површина.
Заради излевањето на реките најкритично е на северот на Косово. Поплавени се Пеќ, Клина, Ѓаковица и Србица каде што од поплавите настрада десетгодишно девојче.
Под вода се многу села во Србија, а во Краљево дежурни екипи поставуваат вреќи со песок за да се спречи истекување на водата од Ибар.
-Ја следиме ситацијата бидејќи се очекува бранот со надојдената вода да помине во текот на ноќта и затоа мора да ги заштитиме сите критични точки изјави Радојица Кочовиќ началник на Оделот за вонредни ситуации.
Слична е ситуацијата со водостојот и во другите региони на земјата. Граѓаните велат дека не знаат како да се справат со ситуацијата,туку само гледаат во небото и чекаат врнежите да престанат.