Mинистерот за надворешни работи Никола Попоски практично му реплицираше на високиот американски функционер Филип Рикер, кој вчера во Скопје изјави дека договорот Косово-Србија е добар пример и модел за решавање на регионалните спорови и оттука и за грко-македонскиот спор. Попоски ја отфрли оваа сугестија на Рикер образложена на средбата со опозицискиот двоецЗаев и Шеќеринска, со став дека не постојат сличности во споровите:
-Преговорите за спорот за името немаат никаква сличност со преговорите меѓу Белград и Приштина и сугестиите на Америка тие да бидат пример за Скопје и Атина се неприфатливи, особено и затоа што во нашиот случај станува збор за земја која е членка на евроатланското семејство и која располага со механизмите на блокада, изјави министерот за надворешни работи Никола Попоски по министерскиот состанок на Партнерската комисија на САД и Јадранската повелба.
Високиот американски функционер Филип Рикер и на овој собир ја повтори идејата Македонија и Грција да го следат примерот на Србија и Косово.