Професорот Владо Поповски, актуелен советник во Советот на Град Скопје од ВМРО-ДПМНЕ, во дебатниот магазин „Click Plus“ на ТВ21 говорејќи околу случувањата во најголемата опозициска партија, истакна дека сегашниот лидер на ВМРО-ДПМНЕ, Христијан Мицкоски, не може да го поврати целиот капацитет кој што го имал екс лидерот Никола Груевски.
„Мицкоски да го поврати целиот капацитет кој Груевски го имаше до 2009 година, се сомневам, не верувам дека ќе го поврати. Не мислам дека е толку вешт колку што е Груевски, а конечно немаше ни три чисти да почне самостојно, да не напаѓа, но да започне самостојно. Мицкоски згреши кога беше пред потпишување на Преспанскиот договот, кога го посети Меркел која после 2 минути излезе од кај него, Мицкоски не ја разбра ниту големата политика, ниту единствениот начин на пребродување на она што со Грците го имавме“, вели Поповски.