“Македонска нација”, http://www.mn.mk/, и Фаланга, www. falanga.com au онлајн весници на македонската дијаспора го прекршијаизборниот молк и објавија, како што тврди првиот весник, официјални резултати на претседателските избори. Фаланга пак, објави дека еден од кандидатите е фаворит во Мелбурн.
Резултатите објавени во “Македонска нација” се однесуваат на гласањето на иселениците во Мелбурн и Канбера во Австралија.
Шефот на набљудувачката мисија на невладината Цивил, Џабир Дерала, за НОВА изјави дека станува збор за прекршување на изборниот молк и дека ја следат ситуацијата на терен и информираат за сите злоупотреби на изборниот процес.
Цивил денеска објави детални информации за неправилности и партиски активности- до 16 часот имало неправилности во текот на гласањето на болните и изнемоштените во Кичево, Штип и Крива Паланка. Во повеќе општини во Скопје, како и во Велес, Гевгелија, Теарце, Кичево, Струга и Брвеница се бележат партиски активности на теренот, вклучувајќи делење пропаганден материјал.
До Цивил пристигнала и информација дека на едно лице на издржување казна во прилепскиот затвор му е ускратено гласачкото право, како што соопшти оваа невладина, која е дел од набљудувачкиот процес.