Во вторник на 11 ноември во 12 часот во просториите на Друштвото на писателите на Македонија ќе се одржи поетски портрет на Ристо Лазаров.
За творечкиот опус на Ристо Лазаров ќе зборуваат Георги Старделов, Влада Урошевиќ и Катица Ќулавкова, а песните ќе ги чита артистот Ѓорѓи Јолевски.
Оваа книжевна средба се организира по повод 65-годишниот животен јубилеј и 45 години творечка дејност на поетот.
Лазаров е автор на повеќе од 20 стихозбирки. Избрани дела од неговиот опус се објавени во четири тома.
Добитник е на највисоките книжевни признанија кај нас, меѓу кои на наградата „Ацо Шопов“ на Друштвото на писателите на Македонија и наградата „Браќа Миладиновци“ на Струшките вечери на поезијата.
Негови песни се застапени во сите антологии на новата македонска поезија, а посебни книги од неговото творештво се објавени во Русија, Австралија, Албанија, Србија, Англија, Словенија и Чешка.