Oткако пристигна еврокомесарот Хан во Скопје, следат интензивни разговори во резиденцијата на Европската Унија со потписниците на договорот од Пржино.
Еврокомесарот за проширување Јоханес Хан ги почна разговорите со лидерите и пореговарачите за спроведување на договореното во Пржино. Хан повеќе од 6 часа е во резиденцијата на ЕУ, а со него се и медијаторот во преговорите Петер Ванхауте, како и амбасадорскиот двоец Бејли и Орав.
Се очекува преговорите да траат цела ноќ, а од нив да произлезе деблокирање на разговорите, влегување на изборните реформи со собраниска процедура, избор на компетниот тим на специјалното обвинителство и договор за новите министри и заменици – министри.
Пред нив кратка средба со Хан имаше посредникот во работните групи, белгискиот експерт Питер Ванхауте.
– Работиме секој ден за да постигнеме напредок. Може да кажам дека имавме тешка ноќ. Нема да се предадеме бидејќи мора да има напредок за оваа земја.Работиме секој ден за да постигнеме. Секогаш е корисно кога луѓето доаѓаат да ја видат ситуацијата со нивни очи и да зборуваат со луѓето за да се формираат сопствено мислење, колку што е може подобро, изјави Ванхауте.
По Ванхауте, пристигаа премиерот Груевски, претседателот на ДУИ Али Ахмети, шефот на ДПА Мендух Тачи и претседателот на СДСМ Зоран Заев.