Кандидатите за градоначалници на градот Скопје и кандидатите за скопските општини потпишаа „Кодекс на однесување за слободни и фер избори“, организиран од Институтот за парламентарна демократија и Националниот демократски институт.
Во Кодексот стои:
– Сите партии, кандидати и членови се со еднаква одговорност пред сите закони, правила и прописи на Република Македонија. Тие ќе го осудуваат јавно и постојано, секој чин на насилство и заплашување од чија било страна. Ќе го преземаат секој можен чекор за елиминирање на сите форми на изборен фалсификат пред, за време и по денот на изборите.
– Целосно ќе ги почитуваат законските прописи за трошоците поврзани со нивните кампањи и ќе ги објават своите жиро – сметки во согласност со овие прописи.
За кандидатот на „Сојузот на иднината“ за град Скопје, Јани Макрадули, ова е симболика која изразува надеж дека ќе премине во пракса, затоа што според него исклучително важно е гласот на граѓанинот да вреди и секој граѓанин слободно да ја изрази својата волја.
„Сведоци сме секојдневно дека владините министри преку ден се во функција на локалните избори, а тоа самото говори дека овој Кодекс е добра војла, што сакаме да направиме.
– Верувам дека по потпишувањето, користењето на јавни фондови и ресурси, службени возила, нема да отвораат развојни проекти за време на кампањата, ќе бидат минато и со своите програми и деи ќе се натпреваруваме пред граѓаните на Скопје“, изјави Макрадули.
За актуелниот градоначалник на Скопје, и кандидат за нареден мандат од ВМРО – ДПМНЕ, Коце Трајановски, потпишувањето на Кодексот е позитивен чин и за самите кандидати за да нема, како што рече „непристојни обвинувања и да постои добар амбиент на овие локални избори во Република Македонија“.
„Да се овозможи еден човек – еден глас односно волјата на граѓаните да не се злоупотербува. Досега сме покажале дека можеме на фер и демократски начин да ги водиме изборите“, изјави по потпишувањето Трајановски.
Кодексот го потпишаа и кандидатите за градоначалници од ДПА, меѓу кои и кандидатот за градоначалник на општина Чаир, Мухамед Тачи кој потенцира дека ДПА секогаш била за фер и демократски избори