Потрошувачката кошница според пресметките на Сојузот на синдикати на Македонија во месец Март изнесувала 32.133 денари. Од нив, едно четиричлено семејство треба да издвои околу 23 илјади денари или речиси 70 проценти само за исхрана и сметки.
Табеларна пресметка на синдикална кошница
Според последните годишни податоци на Заводот за статистика во 2013 година од вкупно 650 555 илјади вработени, далеку побројни биле оние вработени со скромни примања. Само 1,3 проценти од вработените граѓани во земјава или 8 960 вработени Македонци во 2012 година земале плата поголема од 40 илјади денари. Дури 42 процента работат за плати помали од двесте евра месечно, покажува најновата Анкета за работната сила на Државниот завод за статистика.
15 проценти од вработените работат за плата која се движи од 12 илјади до 16 илјади.
Една десетина од вработените имаат плата поголема од просечната, односно примања над 20 илјади.
7 339 илади вработени или 4,2 процента воопшто не примиле плата, а 55 369 се водат како неплатени семејни работници, односно лица кои работат во деловен субјект, земјоделска задруга или дуќан во сопственост на член на домаќинството.
Во моментов синдикатот е единствената организација која пресметува потрошувачка кошница. Претходно тоа го правече Заводот за статистика, но тие во кошницата единствено вклучуваа храна, а не и сметки и други животни трошоци. Па така, нивната кошничка воглавно не надминуваше сум од околу 12 илјади денари месечно за храна за четиричлено семејство. Заводот за статистика престана да пресметува потрошувачка кошица пред околу 3 години со образложение дека медиумите „ги злоупотребувале податоците“. Заводот беше честа мета на критики дека начинот на кој ја пресметува кошница е нереален, но и предмет на новинарски извештаи и анализи.