Претседателот на Република Македонија, д-р Ѓорге Иванов, денеска ќе го додели признанието „Повелба на Република Македонија“ на Македонскиот театарски фестивал „Војдан Чернодрински“.
Од Кабинетот на Иванов соопштуваат дека признанието на „Војдан Чернодрински“ се доделува по повод 50 години од неговото постоење, особено за неговите исклучителни резултати во успешното презентирање, негување и промовирање на македонското драмско творештво, а со тоа и афирмација на Република Македонија во светот.
Претседателот Иванов ќе го додели признанието во рамки на свеченото отворање на 50. Македонски театарски фестивал „Војдан Чернодрински“ во Прилеп.