Вчера попладне, 16-годишно девојче било повредено во уште еден инцидент во приватен автобус број 45.
Двајца 16-годишници вчера попладне фрлиле солзавец во автобус со број 45. Повредено е 16-годишно девојче кое веднаш било пренесено во болница.
Елдина Б. по укажаната лекарска помош е пуштена на домашно лекување.
Малолетниците Амир С. и Руфи Б. инцидентот го предизвикале во автобусот кој сообраќа на релација Транспортен центар-населба „Ченто“, а кој во моментот се наоѓал на улицата „Благоја Стевковски“ спроти бензинската пумпа „Макпетрол“.
По приведувањето, МВР најави соодветни пријави против малолетниците кои го нападнале автобусот.
Струшката полиција поднесе кривична пријава против единаесет лица кои учествуваа во каменувањето на автобусот на вевчанската компанија „Сприја“ што се случи на пред четврти дена на патот Струга-Вевчани.
Кривичната пријава е поднесена против А.Х.(19), Ф.М.(20), Б.Ќ.(20) како и против малолетниците А.Ќ.(17) Ш.С.(18) В.Р.(18) Г.Т.(18) А.К.(18) Г.К.(18) Б.К.(18) и Ш.С.(18), ученици во средно училиште во Струга.
Оваа група од Велешта, како што информираат од СВР Охрид, каменувањето го извршила поттикната од последните настани во Скопје, а во инцидентот со телесни повреди се здобила една патничка од Вевчани која по извршените лекарски интервенции во болницата „Св.Еразмо“ во Охрид беше пуштена на домашно лекување.