Тренерот на Манчестер Јунајтед засекогаш ќе го памти Ромелу Лукаку, играчот на Вест Бромвич Албион кој не му дозволи на Алекс Фергусон да си замине дома со победа. И покрај тоа што водеа со 2:5 до 80та минута, ВБА – Манчестер Јунајтед заврши со резултат 5:5.
Но тоа не му сметаше на сер Алекс, бидејќи очигледно беше неговото уживање во последните 90 фудбалски минути како тренер на тимот кој најмногупати ја освоил престижната премиерлигашка титула. Точно 27 години траеше богатото патување низ англиските и другите европски натпреварувања.
Од друга страна, Тотенхем победи, со уште еден маестрален гол на „Најдобриот“ за годинава – Герет Бејл. Но ни тој гол не ги однесе до место во следната сезона на Лигата на шампионите. Арсенал и Челзи исто така триумфираа, и конечниот редослед прилично очекуван; 1.Mанчестер Јунајтед, 2. Манчестер Сити, 3. Челзи, 4, Арсенал.
Англискиот фудбал се прости и од неколку легенди, Џејми Карагер , Мајкл Овен, Пол Сколс и Фил Невил.
Низата пензионирања беше проследена со голем број на отпуштања и назначувања на тренери. Најзвучното име – Роберто Манчини. Од друга страна Дејвид Мојс го напушти Евертон (за да го преземе Јунајтед).
Рафа Бенитез заминува од Челзи. И покрај тоа што им го донесе третото место и титулата од Лигата на Европа, челниците на клубот не одлучија да го задржат како постојан менаџер на клубот.
Неизбежно е доаѓањето на Жозе Мурињо кај Челзи, и Мануел Пелегрини кај Сити.
Наредната сезона Ридинг, КПР, и Виган ќе се натпреваруваат во Чемпионшип, второто по ранг натпреварување во Англија, а новото премиерлигашко трио ќе го сочинуваат Кардиф, Хал Сити и поуспешниот од дуелот Кристал Палас/Ватфорд.