Приказната за жената на која светот се воодушевуваше токму поради нејзината
непосредност, искреност и посветеност, овој четврток премиерно ќе биде прикажана во Cineplexx.
Филмот „Дијана“ на Оливер Хиршбигел говори за нејзините последни години од животот. За време на овие две последни години, Принцезата Дијана ја започнува својата тајна љубовна афера со пакистанскиот кардиохирург Хаснат Кан.
Икона обожавана од милиони. Најславната жена на светот, најомилената принцеза во
историјата на монархијата – Дијана. Интригантен портрет на принцезата од Велс, биографска драма за нејзиниот живот. Улогата на познатата принцеза ја превзема актерката која е номинирана за Оскар, Наоми Вотс. Навин Ендруз, познат по улогите во „Англискиот пациент“ и телевизиската серија „Изгубени“ го толкува ликот на Др. Хаснат Кан.
Филмот мајсторски го режираше Оливер Хершбигел по сценариото на светски познатиот театарски драматург Стивен Џефриз. Оваа интригантна љубовна приказна опишува како среќата која Дајана ја пронајде во својот личен живот всушност и помага да успее во својата улога на значајна меѓународна хуманитарна активистка.
Хиршбигел изјавува: „Очигледно е дека сакам добар предизвик. Ми се допадна идејата да налутам одредени луѓе со тоа што ќе направам многу директна, веродостојна, длабока, емотивна љубовна приказна за Дијана и Хаснат Кан.“ Тој додава, „Дијана ги имаше сите карактеристики. Таа беше директна, многу искрена и многу невина на некој начин, нешто што многу пати се толкува како карактеристика на наивност, но всушност тоа не е вистина. Таа беше навистина духовна личност.“