„Евангелие на глупоста“ (Далај мама во два дела), според текст и во режија на Љубиша Георгиевски вечер премиерно ќе биде прикажана во Драмскиот театар-Скопје.
Во претставата игра бардот на македонскотиште глума Милица Стојанова, a првпат на сцената на Драмскиот театар гостува Петар Мирчевски. Останатата актерска екипа се состои од проминентни имиња- Благој Чоревски, Ирена Ристиќ, Филип Трајковиќ, Игор Георгиев, Катерина Шехтанска – Лаковска, Трајанка Илиева – Таци, Игор Ангелов, Славиша Кајевски, Валдета Исмаили, Ана Костовска, Александра Павлова, Диме Илиев и Златко Митрески.
Костимографијата и сценографијата се на Мери Георгиевска, а музиката на младиот Гаврило Миловановиќ.
Текстот на претставата, како што информираше режисерот Георгиевски на неодамнешната прес-конференција, е напишан во 2002 или 2003 година, а игран е во режија на Пројковски во Народниот театар-Битола пред шест или седум години. Ова е скопска премиера.
– „Евангелие на глупоста“ (Далај мама во два дела) е приказна за распадот и крајот на т.н. западна цивилизација на која и припаѓаме и ние и со која агонизираме, изјави Георгиевски и додаде дека се работи за трагична фарса во која ликовите немаат релевантни проблеми.