Под режија на Игор Иванов, премиерата на филмот „Соба со пијано“ вечерва го отвора Интернационалниот фестивал на филмска камера, „Браќа Манаки“ во Битола. Филмот „Соба со пијано“ претставува најново остварување од македонската продукција.
Годинава, мотото на фестивалот гласи „Пушти ја светлината“, а ќе трае до 20 септември.
Сценариото на филмот „Соба со пијано“ е на Жанина Мирчевска и Игор Иванов. Продуцент и кинематографер е Томи Салковски, а музиката ја потпишува познатиот пијанист и композитор Чили Гонзалес.
Веднаш по отворањето на фестивалот од страна на претседателот на Македонија, Ѓорѓе Иванов, ќе биде врачена и наградата „Златна камера 300“ за животно дело на шпанскиот кинематографер Хосе Луис Алкаин.
За наградата „Камера 300“ годинава ќе конкурираат 12 филма меѓу кои и филмот на Игор Иванов. Помеѓу главните актери во филмот „Соба за пијано“ се Наташа Петровиќ, Јовица Михајловиќ, Светозар Цветковиќ, Васил Зафирчев, Игор Стојчевски, Симона Спировска, Торстен Вогеш, Ива Крајнц, Дениз Абдула, Јагода Кумриќ, Фирдаус Неби и Невена Ристиќ. Специјални гости – Тони Палмер, Ханес Вегенер и Мајк Сарн.
видео: SkopjeFilmStudio