Укинувањето на актуелните мерки, вклучувајќи ги и сертификатите, може да доведе до влошување на епидемиолошката состојба и повторно преполнување на болничките капацитети, додаде Мехмедовиќ.
Сѐ уште е рано за укинување на некоја од мерките за заштита од ковид-19, нагласи денеска портпаролот на Комисијата за заштита од заразни болести, д-р Злате Мехмедовиќ.
Тој појасни дека процентот на вакцинирани во земјата е сѐ уште низок, па укинување на некоја од мерките би можело да доведе до влошување на епидемиолошката состојба.
– Вакцинацијата во нашата држава изнесува 41 отсто, толку се имунизирани со две примени дози. И дека е премногу низок опфатот со вакцинација за да се размислува во насока да се укине некоја до мерките коишто спречуваат ширење на вирусот. Денеска дискутиравме дека сѐ уште се наоѓаме во широка трансмисија на вирусот на локално ниво и дека укинувањето на актуелните мерки, вклучувајќи ги и сертификатите, може да доведе до влошување на епидемиолошката состојба и повторно преполнување на болничките капацитети, додаде Мехмедовиќ.
Во врска со тоа која варијанта на вирусот доминира, тој одговори дека тоа е омикрон сè уште.
– Доминантен е БА1, додека подваријантата омикрон стелт е помалку застапена. Здравствените власти сè уште немаат доволно податоци за да утврдат има ли разлика во клиничката слика што ја даваат двата соја.