Објавата на пресудата за предметот „Топлик“ што беше закажана за денеска, се поместува за 5 април од 13 часот, информираат од Основииот кривичен суд Скопје.
Како што се наведува во соопштението од Судот, причина за презакажување на терминот е што еден од членовите на судечкиот совет, судија – поротник го известил судот дека е позитивен на ковид-19 и во следниот период ќе биде во изолација согласно протоколите за здравствена заштита.
Првоосомничен во предметот е поранешниот министер за транспорт и врски Миле Јанакиески, кој според обвинението, како раководно лице во Министерството, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.