- Подобар стаднард, владеење на право, борба против корупција, здравство и образование се добиваат со члнеството во ЕУ. Земете ја Хрватска за пример, со која сме биле дел од југословенското општество. Со влегувате во ЕУ, во Хрватска платите се неколкукратно зголемени, пензиите зголемени, невработеноста намалена, дуплиран БДП, 33 отсто зголемен бројот на мали и средни претпријатија, рече претседателот на СДСМ, Димитар Ковачевски во интервју за „Фронтлајн“.
Тој додаде дека со Хрватска земјава тргна заедно на европскиот пат и заедно добивме кандидатски статус во 2005 година, а Македонија беше проектирана пред Хрватска да стане членка во ЕУ, бидејќи таму имаше војна.
- Поади нерешителноста и лошите политики на Ѓорге Иванов и на Никола Груевски, Македонија место да се европеизира, се антиквиризраше. Хрватска водеше преговори, одеше во Брисел, преговараше со администрацијата на Јункер, ние пречекувавме Хунзи на аеродромот, каде не убедуваа дека Македонците имале браќа во Пакистан рече Ковачевски.
На прашањето како ја оценува работата на неговата влада чиј премиер беше до неодамна, Ковачевски вели дека преземам одговорноста за сите грешки и за сите успеси.
- Ако некој добро знае што зборуваат граѓаните, тогаш тоа сум јас. Точно знам дека граѓаните се незадоволни од дел од работите што се случуваа изминатиот период во однос на цените, владеењето на правото, борбата со корупцијата. Можам да кажам дека ако некој е одговорен за тоа, со оглед дека јас бев две години премиер, тогаш јас сум одговорен и ја земам одговорноста и за грешките и за успесите, рече претседателот на СДСМ, Димитар Ковачевски во интервју за „Фронтлајн“.
Тој додаде дека во овие два и пол месеци, откако не е веќе премиер, има голем број на партиски активности и секојдневно е на средби со граѓаните.
- Граѓаните се изморени од процесот на европска интеграција, понекогаш и јас го чувствувам тоа, но тоа е единствениот процес кој во државата може да донесе позитивни промени. Заради тоа знам дека граѓаните ќе изберат опција на изборите која ја предводиме СДСМ и Коалицијата за европска иднина и претседателскиот кандидат Стево Пендаровски, рече Ковачевски.
Претседателот на СДСМ додаде дека на тој начин граѓаните може да изберат извесна европска иднина за Македонија.