12-ти април
Кандидатите за Претседател на Република Северна Македонија Стево Пендаровски, Гордана Силјановска Давкова, Стевчо Јакимовски, Билјана Ванковска и Максим Димитриевски на средби со граѓани во општини и на митинзи во поголемите градски Центри. Во рамките на нивната изборна кампања за првиот изборен круг на 24-ти април тие денеска меѓу граѓаните со пораки, ставови, идеи, понуди. Нова со акценти од нивните денешни настапи. По ред, согласно гласачкото ливче што со ждрепка го утврди ДИК.
Стево Пендаровски – Скопје:
- Точно за еден месец од денеска започнува мојот втор мандат;
- Стојам секоја своја одлука бидејќи резултатите се видливи;
- Не е сечија заслуга што државата 4 години е членка на НАТО, најголемиот воен сојуз и загарантирана е нејзината безбедност;
- Ако немавме надворешна блокада од Бугарија и внатрешна од ВМРО-ДПМНЕ, за неколку години земјата ќе беше полноправна членка и на ЕУ.
- На земјава и требаат политичари кои ќе работат за подобра иднина на следните генерации и затоа на 24 април граѓаните масовно ќе излезат и ќе заокружат број 1.
Гордана Сијановска Давкова – Гостивар:
- Никогаш нема да одам на преговори и да разговарам за Македонија без да се консултирам со собранието и владата;
- Сите парламенти се главни креатори на сите политики, па и на надворешната и на безбедносната политика и таму треба да оди претседателот но не само како Дедо Мраз пред Нова година, туку многупати;
- Ќе продолжам да се борам за рамноправност, а претседателот е тој што го отсликува народот.
Стевчо Јакимовски: Скопје
- Состојбата кај пензионерите ни е во катастрофална состојба;
- Ниту еден пензионер, односно ниту едно пензионерско семејство не смее да има помалку од 25 илјади денари;
- Ако едно семејство има 18 илјади денари пензија, до 25 илјади денари, од социјалната политика, од социјалната заштита, ќе добиваат уште 7 илјади денари;
- Поголем е бројот на пензионерите што имаат повисоки пензии и можат да си овозможат нормално функционирање на нивното пензионерско семејство се се` помалку и се` повеќе граѓаните преоѓаат во овој дел каде што се под егзистенционален минимум и тоа мора да го промениме.
Бујар Османи – Скопје:
- Ќе се заложам да бидам компас на евроатлантската ориентација со фокус кон САД;
- Стратешкиот дијалог ќе го подигнам на ниво на претседатели на држави на највисоко можно ниво;
- Првата работа што ќе ја направам доколку бидам избран за шеф на државата ќе закаам состанок со лидерите на партиите кој ќе трае се додека не се постигне консензус за Европската унија;
- Оној што одбива да ги прифати уставните измени ги предава стратешките партнери бидејќи компромисот е постигнат со нивна помош;
- Нема поголем ризик за овој регион, за оваа држава отколку САД да го повлечат интересот од овде.
Билјана Ванковска Мирчевска – Македонска Каменица:
- Вест на денот е дека нема да има дебати заради што граѓаните нема да бидат во можност да ги слушнат моите аргументи;
- Ппостојано во овој дел од Македонија, но и во останатите, се соочува е со иселување на она што е најдоброто и она што е најсакано. Мојата цел е насочена кон решавање на проблемите на граѓаните поради кои се исселуваат;
- Имам решенија и визија, нема да инвестираме пари во воени цели, туку во социјални и развојни цели.
Арбен Таравари – Скопје:
- И јас и партиите што ме подржуваат им ветуваме на луѓето дека тука ќе се инвестира бидејќи Скопската чаршија е оставена на маргините, а заслужува многу повеќе;
- Водам позитивна кампања и внимателно ги следам останатите претседателски кандидати и досњга кампањата е коректна;
- Единствена забелешка се притисоците кои се вршат врз вработени во администрацијата од страна на нивните директори и раководители;
- На 9-ти мај, на Денот на Европа, ќе имаме влада со нов состав.
Максим Димитриевски – Демир Капија:
- Винопроизводството, одгледувањето на виновата лоза е дополнителен приход за секое семејство, но и зголемување на бруто домашниот производ и од позиција на претседател ќе иницирам нови законски решенија за директна помош;
- Истото ќе го сторам и за семејните активности да се трансформираат во семејни бизниси, а малите бизниси да се трансформираат во средни бизниси.