Принцот Џорџ од Кембриџ е помалку дрзок според кажувањата на неговиот татко, принцот Вилијам.
„Би кажал дека тој е доста дрзок“, изјави Вилијам во интервју за CNN. „Ме потсетува на брат ми и на мене кога бевме помлади, не сум баш сигурен, но засега добро ни оди“.
За Вилијам растењето на неговиот син се одвива многу брзо.
„Всушност тој расте многу брзо. Но се гледа дека е борец – многу прета и не спие колку што треба“, вели Вилијам.
Според него, сопругата Кејт, војвотката од Кембриџ е таа што навечер најмалку спие поради обврските околу малиот Џорџ, а тој се надева дека наскоро ќе се врати на својата должност во Кралското воено воздухопловство.
Една од најголемите страсти на Вилијам е спасување на загрозените видови во Африка. Тој изрази надеж за Џорџ дека и тој ќе ја види Африка низ призмата на својот татко.
„Ќе имаме животни-играчки насекаде околу собата, скриени во грмушки како би го адаптирале да расте во таква средина“.
Во меѓувреме, принцот вели можноста за продолжување на кралското наследство во Африка, не е од непосредна грижа.
„Во моментов, единственото наследство кое би сакал да му го пренесам е да спие повеќе и да не ги менува пелените толку брзо“, додава принцот Вилијам.