Во Сирија пристигна првата пратка руски ракетни системи С-300, изјави сирискиот претседател Башар Асад, во интервју за телевизијата Ал Манар.
Сирискиот претседател вели дека државата донела одлука да учествува на мировната конференција што ја подготвуваат Русија и САД и од која тие не очекуваат важни решенија.
Асад тврди во интервјуто дека соодносот на воените сили во Сирија се променил во полза на владините сили кои во последно време според него, имаат големи успеси против терористичките формации, како што режимот ги нарекува опозициските сили.
Сирискиот лидер ги обвинува Турција, Саудиска Арабија и Катар дека со нивна поддршка во Сирија влегле околу 100 илјади платеници од арапски и други држави. Башар признава дека единици на либанската шиитска група Хезболах војуваат на страната на владините сили во пограничните региони во Либан.
Израелскиот советник за национална безбедност Јаков Амидрор најави дека Израел нема да дозволи руските ракетни системи С-300 во Сирија да станат оперативни.